Bob王祖蓝激似清代真·妃嫔 有望拍《延禧》续集？

大热剧《延禧攻略》虽然已在内地播完，不过热潮丝毫未减，剧中一众妃嫔宫女各具美态，仲有啲认真到爆的网友走去翻查历史，睇番剧中角色的历史原型！不过剧集同史实始终有段距离，近日更有人搵到两张清代的妃嫔相，睇到网民O晒嘴，因为竟然同王祖蓝及阿Bob(林盛斌) 一模一样！

Bob王祖蓝激似清代真‧妃嫔有望拍《延禧》续集？

无论係较早前的《深宫计》，定係现时喺大台热播中的《延禧攻略》，都有唔少热心网友走去翻查历史，睇番剧中角色的历史原型！其中当然有惊喜有失望，毕竟你无理由真係相信成个皇宫都係俊男美女啩？近日又有网友搵来两张清代妃嫔相，但大家一睇，明明係…… 阿Bob同王祖蓝嚟！

连阿Bob本人都忍唔住喺社交网呢张珍贵图片，并留言：「如果《延禧攻略》开续集，我同祖蓝冇理由冇份拍啰…..」有网友就笑说，如果真係阿Bob同祖蓝扮妃子，乾隆会即刻驾崩都似！

大家觉得似唔似呢？

似过孖生！盘点10对撞样明星！你又识几多对？

香港区代表：

1.靓汤（汤洛雯）& 女神倪晨曦 （Elva）

佢哋究竟有几似样呢？就係似到无綫后製特登为两人整咗嗰换面特效，而小编睇咗三次都觉得无线好似冇加特效咁⋯⋯

2.张振朗 & 张智霖

3. 阿娇（锺欣潼） & 何超莲

阿娇同超莲唔单止係公认嘅两大靓女，仲要係好姊妹，仲仲要样都有啲似！连超莲都喺阿娇IG个Post度留言，叫阿娇做失散家姐添喎～

4.陈滢 陈僖仪

「陈滢她不够爱我，陈滢我坐后备座～」

就算大家唔记得陈滢係咩样，都可能记得之前网民将佢个名变做歌词万能Key，其实小编一直都觉得陈滢同前几年因车祸过身嘅实力女歌手陈僖仪有啲似样！

5. 卫诗雅 & 连诗雅

卫诗雅同连诗雅，其实除咗个名似到几乎一样之外，其实小编觉得佢地个样都有少少似㗎，虽然唔係个个认同⋯⋯出道时间都係差两年㗎咋！

6. 森美 & Otto （王志安）

森美大哥依家都四十有几，但就愈嚟愈Fit愈有型，近年喺係无綫剧集同综艺节目都有唔错嘅表现！唔知大家仲记唔记得佢有个撞样兄弟Otto （王志安）呢？

跨地区系列：

7. 吴尊 & 锺嘉欣

讲起撞样明星，当然不得不提吴尊同嘉欣BB呢对经典组合啦！真係隔几多年睇都觉得好似样，成对亲生兄妹咁啊！

锺嘉欣今年三月宣布再度有喜，现时佗B已近八个月，早前嘉欣于社交网上载一张摸住巨肚的相，留言问大家觉得BB係男仔定女仔添！

今胎係囝囝啊！！

8. 桥本环奈 & 梁列唯

日本女星桥本环奈形象清纯可爱，素来被网民称为「千年一遇美少女」，係唔少巴打嘅女神。但亦有网民指出佢同TVB艺人梁烈唯撞样，仲话从此对佢冇哂兴趣喎⋯⋯

9. 蔡思贝 &木村拓哉 & 达哥

其实蔡思贝被网民话同达哥撞样都唔係第一次㗎啦，但因为达哥又被戏称同木村拓哉似样，所以就搞到连蔡思贝都被撞嚟同木村拓哉比较啦！虽然木村拓哉出名有型靓仔，但小编就唔知蔡思贝又锺唔锺意呢个比较啦～

唔知大家又觉得佢地三个又冇啲相似呢？

10. 冯盈盈 & AV女优桃谷绘里香

之前冯盈盈喺《后生仔倾下计》大爆觉得自己几似AV女优桃谷绘里香，当陆浩话唔识嘅时候，佢仲大声叫陆浩上网搵吓！

相就睇完啦，大家又觉得边对撞样明星最似样呢？

上一篇：Bob、Lob、超短男孩头：寻找你的命定时髦短髮指南
下一篇：Bodega酒窖系列 泰斯卡最高年份40年威士忌登场